Patawad - Mahal kita (spoken word)

Kapag sinabi kong mahal kita,
Nag mimistulang inaangkin ko ang pribadong mundo ng kasalukuyn mong pagkatao...
Kaya sa pagkakataong ito, hinihingi ko ang patawad mo.

Patawarin mo ako --- MAHAL KITA..

Mahal kita sa paraang umiikot ang mundo ko sa lahat ng alaala mo,
Sa lahat ng iniwan mong bakas mula nang magkakilala tayo..
Mahal kita sa paraang hindi ko nilimot ang mga ngiti mo't pagtawa..
Ang pagsimangot mo't pagluha..
Mahal kita kaya hindi ako bumitaw noong mga panahong paglakad mo papalayo ang aking tinatanaw..
Mahal kita --kahit na naging imposible na..
Pero mas minahal kita nung napatunayan kong posible pa pala...

Kaya sa iyong pagbalik, Patawarin mo parin ako --- MAHAL KITA..

Pagkat ngayon ay hinding hindi kana makakawala pa..
Ikukulong kita sa puso kong may kandado na.
Na ang susi ay itinapon ko na...
Ikukulong kita sa init ng bisig ko nang sa gayo'y manatili ka rito at hindi na muling maglagalag pa..
Patawarin mo ako dahil hindi kita kayang muling mawala..
Kaya mahal - manatili ka!
Inuulit ko, patawarin mo ako, sa pagmamahal sayo ..
Sa muli't muling pagmamahal sayo...
Mahal kita at salamat, nagbalik ka.