Malaya ka, Ako Hindi

Malaya ang pag-ibig Malayang umibig Malayang masaktan Malayang manakit Malayang tanawin ang mga bagay sa paligid May kalayaang magpa-alala ng hapdi, gigil, pait. Buong pusong sinalubong ang malaya mong pagdating Na akala ko noo'y mananatiing hindi magagapi Subalit malaya ang pag-ibig Malaya kang umalis Lumisan nang walang pangako ng pagbabalik Pagdating mo'y kay bilis Pagtalikod mo'y kay bilis din Kaya ngayon, Saan kita hahanapin Saang parte ng himpapawid Kung bakit ba kasi malaya Kung bakit ba kasi lumaya Iginapos naman kita sa tali ng pag-ibig Ngunit pilit pa ring nagpumiglas ang puso mo't isip At mas piniling lumipad Hinayaan akong lamunin ng panaginip Malaya ang pag-big Malayang maglagalag at hanapin ang sarili Malayang makipagkilala sa iba pang uri ng pag-ibig At malaya ring limutin ang nakasanayang tinig Malaya ka Pero hindi parin kitag kayan palayain Pagkat itinuro mong maging malaya Pero hindi ko natutunan ang magparaya Kaya't martir mang ituring, hihintayin parin kita. Maghihintay sa tuwina Hanggang ang kalayaan ay hindi ko na kilala.